Clik here to view.
Bron: https://pixabay.com/photos/number-advertisement-yellow-colour-437928/
LitNet is by uitstek ’n ruimte waar onderwysers van Afrikaans in al sy gedaante hul narratiewe kan deel en waarby hulle kan baat. Besoek LitNet se Skole–afdeling vir nog skolemateriaal. Besoek ook LitNet se Skoleseminaar vir aktuele gesprekke rondom warm en dringende sake in die onderwys.
Clik here to view.
Foto van Willene Paulse: https://www.wynghs.co.za/about–us/
Willene Paulse, ’n Afrikaans Eerste Addisionele Taal–onderwyseres, het LitNet vanuit die oogpunt van haar ondervinding op hierdie terrein genader en wenke vir die aanbied van Afrikaans Eerste Addisionele Taal gestuur. Sy deel ook twee toetse en hul memo’s, wat uit onderskeidelik 40 en 80 punte tel, met taalonderwysers en leerders wat daarby baat sal vind.
Wenke vir taalonderwysers
In die aantekeninge hier onder verduidelik Willene waarom Afrikaans EAT–onderwysers somtyds van 40–punt– en somtyds van 80–punt–vraestelle gebruik maak. Afrikaans EAT–onderwysers kan hierby baat wanneer hulle volgende keer vraestelle moet opstel.
Volgens die assesseringsprogram vir Graad 10 Afrikaans EAT tel Taak 3 in kwartaal 1 slegs 40 punte; leesbegrip tel 20 punte, opsomming 10 punte en taal in konteks 10 punte. Die groot vraag vir ’n Afrikaans EAT–onderwyser is dan die volgende: Hoe toets jy ’n kind se vaardighede in net 40 punte, en dan spesifiek taal in konteks in net 10 punte?
Ons weet dat Afrikaans EAT–leerders baie meer taal–in–konteks–reёls het wat geleer moet word, en dan praat ons nie eers van die uitsonderings op die reёls nie. Wat ook in ag geneem moet word, is dat baie van hierdie leerders Afrikaans net in die Afrikaans–klas hoor.
Om hierdie rede is dit baie moeilik om in 40 punte die leerders se egte vaardighede en begrip van die taal te toets. (Hier is ’n voorbeeldtoets en die bypassende memo wat uit 40 punte tel.)
Om onderwysers die kans te gee om wel die leerders se egte vaardighede, veral in die taal–in–konteks–deel, te toets word die 80 punt–toets aanbeveel. Die 80 punte word dan verwerk na 40.
........
Om onderwysers die kans te gee om wel die leerders se egte vaardighede, veral in die taal–in–konteks–deel, te toets word die 80 punt–toets aanbeveel. Die 80 punte word dan verwerk na 40.
.........
Hierdie toets kan gebruik word slegs indien daar wel genoeg tyd is tydens klas of ’n toetsperiode om dit te voltooi. Dit kan ook verdeel word in twee dele, waar die leesbegrip in een toetsperiode getoets word en dan die opsomming en taal in konteks in ’n ander toetsperiode.
Indien die onderwyser nie genoeg tyd het om ’n 80 punt–toets af te handel nie (laai ’n voorbeeld van ’n 80–punttoets en –memo af), en leerders dalk aan die begin van kwartaal 1 op ’n alternatiewe basis skool toe gekom het, sal die 40 punt–toets aanbeveel word. Die rede hiervoor is dat die onderwyser dalk nie genoeg werk in die kwartaal kon onderrig nie, of dat die skool se toetsrooster net nie genoeg tyd toelaat om die langer toets te akkommodeer nie.
..........
Die groot verskil tussen hierdie twee vraestelle lê in die taal–in–konteks–gedeelte. In die 80 punt–toets is 50% vir taal in konteks en in die 40 punt–toets is dit slegs 25%. Hierdie verskil is dan juis die riglyn waarvolgens die onderwyser die keuse moet maak wat die beste vir sy of haar leerders sal werk ten opsigte van wat gedurende die kwartaal onderrig kon word.
..........
Die groot verskil tussen hierdie twee vraestelle lê in die taal–in–konteks–gedeelte. In die 80 punt–toets is 50% vir taal in konteks en in die 40 punt–toets is dit slegs 25%. Hierdie verskil is dan juis die riglyn waarvolgens die onderwyser die keuse moet maak wat die beste vir sy of haar leerders sal werk ten opsigte van wat gedurende die kwartaal onderrig kon word.
Die toets uit 40 leen hom meer daartoe om die klem op leesbegrip te plaas, en die ander een word op taal in konteks geplaas. In die 40 punt–toets is dit dan ook moeilik om ’n visuele teks by die leesbegrip te voeg, aangesien die puntetelling net 20 is, en dus leen die ander toets hom daartoe om wel ook ’n visuele teks as leesbegrip te toets.
Dit is wel in die onderwysers se hande om te kies waarop hulle in ’n kwartaal klem wil lê,
afhangend van wat onderrig was.
Klik hier om ’n 40–punt–toets gratis in PDF–formaat af te laai.
Klik hier om die memo van die 40–punt–toets gratis in PDF–formaat af te laai.
Klik hier om ’n 80–punt–toets gratis in PDF–formaat af te laai.
Klik hier om die memo van die 80–punt–toets gratis in PDF–formaat af te laai.
Ander onderwysers word genooi om LitNet te nader vir hul narratiewe en om vraestelle te deel. Stuur gerus ’n e–pos na litnet@litnet.co.za.
Lees ook:
The post Afrikaans EAT: wenke vir onderwysers en toetse vir graad 10-leerders appeared first on LitNet.